एनएमबि बैंक लिमिटेडले नक्साल, काठमाडौंमा निर्माण हुन लागेको आफ्नो नयाँ कर्पोरेट भवनको लागि लिड (LEED) परामर्श सेवा प्रदान गर्न योग्य परामर्शदाताहरूबाट पुनः सिलबन्दी बोलपत्र आह्वान गरेको छ। यसअघि ६ मे २०२६ मा प्रकाशित सूचनाको आधारमा बोलपत्र पेश गरी प्राविधिक मूल्यांकनमा उत्तीर्ण भएका बोलपत्रदाताहरूलाई पनि यस मूल्यांकन प्रक्रियामा समावेश गरिने बैंकले जनाएको छ।
इच्छुक बोलपत्रदाताहरूले रु. २,००० फिर्ता नहुने दस्तुर बैंकको खाता नम्बर ००९०१३७१३००११४ मा जम्मा गरी रीतपूर्वकको आवेदन बुझाएर प्रस्ताव सम्बन्धी कागजात (RFP) प्राप्त गर्न सक्नेछन्। पूर्ण रूपमा भरिएको प्राविधिक र वित्तीय प्रस्ताव छुट्टाछुट्टै सिलबन्दी गरी यो सूचना प्रकाशित भएको ७ दिनभित्र अर्थात् ५ अगस्ट २०२६ को साँझ ५:०० बजेभित्र बैंकको कार्यालयमा बुझाउनुपर्नेछ। सार्वजनिक बिदा परेको खण्डमा प्रस्ताव बुझाउने अन्तिम म्याद स्वतः अर्को कार्यदिनसम्म कायम रहने सूचनामा उल्लेख छ।
यस बोलपत्रमा सहभागी हुनका लागि परामर्शदाता कम्तीमा ५ वर्ष दर्ता भई सञ्चालनमा रहेको हुनुपर्ने, कालोसूचीमा नपरेको हुनुपर्ने, र कम्तीमा तीनवटा सफल LEED BD+C प्रमाणीकरण सम्पन्न गरेको अनुभव हुनुपर्ने जस्ता योग्यताहरू तोकिएका छन्।
थप जानकारीका लागि आधिकारिक सूचना हेर्नुहोस्:
