हिमालयन बैंक लिमिटेडले “ओराकल लोकल सपोर्टको एएमसी” (वार्षिक मर्मत सम्झौता) कार्यका लागि मूल्य अभिवृद्धि कर (भ्याट) मा दर्ता भएका योग्य इच्छुक संस्थाहरूबाट सिलबन्दी बोलपत्र आह्वान गरेको छ। बैंकले दोस्रो पटक सूचना प्रकाशन गर्दै यस कार्यका लागि योग्य प्रस्तावहरू माग गरेको जनाएको छ।
इच्छुक बोलपत्रदाताहरूले बैंकको कमलादीस्थित कर्पोरेट कार्यालयको सामान्य प्रशासन विभागबाट बोलपत्र फारम प्राप्त गर्न सक्नेछन्। बोलपत्र फारम प्राप्त गर्नका लागि सम्बन्धित संस्थाको लेटरहेडमा अनुरोध पत्र र हिमालयन बैंकको कुनै पनि शाखामा गैर-फिर्ता हुने गरी ५,००० रुपैयाँ बोलपत्र दस्तुर बुझाएको भौचर पेश गर्नुपर्ने सूचनामा उल्लेख छ।
बोलपत्रदाताहरूले बोलपत्र पेश गर्दा दुईवटा छुट्टाछुट्टै खामहरूमा प्राविधिक र व्यावसायिक प्रस्ताव राखी ती दुवैलाई एउटै सिलबन्दी खामभित्र राखेर बुझाउनुपर्नेछ। यी दुई प्रस्तावहरू छुट्टाछुट्टै पेश नगरेमा बोलपत्र स्वीकृत नगरिने बैंकले जनाएको छ। यसका साथै बोलपत्रदाताहरूले बोलपत्र कागजातका साथमा नेपालको ‘क’ वर्गको वाणिज्य बैंकबाट जारी भएको तथा कम्तीमा ९० दिनका लागि मान्य रहने कूल बोलपत्र रकमको कम्तीमा ५ प्रतिशत नगद धरौटी वा सोही रकम बराबरको बिड बन्ड पेश गर्नुपर्नेछ।
आवेदन पेश गर्ने अन्तिम मिति २०२६-०८-२६ गते कार्यालय समयभित्र तोकिएको छ र उक्त बोलपत्र सामान्य प्रशासन विभागमा बुझाउनुपर्नेछ। प्राप्त बोलपत्रहरू पूर्ण वा आंशिक रूपमा स्वीकृत गर्ने वा अस्वीकृत गर्ने सम्पूर्ण अधिकार हिमालयन बैंक लिमिटेडमा सुरक्षित रहने बैंकले जनाएको छ।
थप जानकारीका लागि आधिकारिक सूचना हेर्नुहोस्:
