डोनाल्ड ट्रम्पले सार्वजनिक गरे आफ्नै क्रिप्टोकरेन्सी, बजार पूँजीकरण ५.५ अर्ब डलर नाघ्यो

अमेरिकाका निर्वाचित राष्ट्रपति डोनाल्ड ट्रम्पले आफ्नो क्रिप्टोकरेन्सी डलर ट्रम्प ($ट्रम्प मेम ) सार्वजनिक गरेका छन् । यो क्रिप्टोकरेन्सी ट्रम्पको आगामी राष्ट्रपति पदको उद्घाटनको तयारीसँगै लञ्च गरिएको हो। उक्त किप्टो सार्वजनिक भएको केही घण्टामै बजार पुँजीकरण ५.५ अर्बमा पुगेको छ ।

यो सीआइसी डिजिटल एलएलसी द्वारा सञ्चालित गरिएको छ, जुन ट्रम्प अर्गनाइजेशनको सहायक कम्पनी हो। सीआइसीले यसअघि ट्रम्प ब्रान्डेड जुत्ता र परफ्युमजस्ता उत्पादनहरू बजारमा ल्याइसकेको छ।

शनिबार दिउँसोसम्म ट्रम्प मम क्वेनको बजार पूँजीकरण ५.५ अर्ब डलर पुगेको र यसको ८० प्रतिशत स्वामित्व सीआइसी डिजिटल एलएलसी र फाइट फाइट फाइट एलएलसी कम्पनीको रहेको छ।