गरिमा विकास बैंक लिमिटेडले गत आर्थिक वर्षको नाफाबाट प्रस्तावित लाभांश पारित गर्नका लागि वार्षिक साधारण सभा बोलाएको छ। बैंकले कात्तिक २७ गते, बिहीबार, बिहान ११ बजे होटल पोखरा ग्राण्ड, बिरौटा, पोखरामा आफ्नो १९औँ वार्षिक साधारण सभा आह्वान गरेको हो।
सभामा हाल कायम चुक्ता पूँजीको ६ प्रतिशत बोनस सेयर र सो बोनसमा लाग्ने कर प्रयोजनका लागि ४.५३ प्रतिशत नगद लाभांश वितरण गर्ने प्रस्ताव पारित हुनेछ।
त्यसका साथै, सभाले बैंकको रजिष्टर्ड कार्यालय स्थानान्तरण गर्ने, छाप तथा लोगो परिवर्तन गर्ने, अन्य बैंक तथा वित्तीय संस्थासँग मर्जर वा एक्विजिसन गर्न सञ्चालक समितिलाई अधिकार दिने, प्रबन्धपत्र र नियमावली संशोधन गर्ने तथा लेखापरीक्षक नियुक्त गर्ने प्रस्तावहरू पनि पारित गर्नेछ।
साधारण सभा र लाभांश वितरण प्रयोजनका लागि बैंकले कात्तिक १८ गते बुकक्लोज गर्ने निर्णय गरेको छ। यसअनुसार, कात्तिक १७ गतेसम्म नेप्सेमा कारोबार गरी सेयरधनी बनेका लगानीकर्ताहरूले सभामा सहभागिता जनाउन र लाभांश प्राप्त गर्न सक्नेछन्।
प्रतिकृया