प्रचण्डले लिने विश्वासको मतबारे छलफल गर्न दिउँसो २ बजे बैठक बस्दै

नेकपा माओवादी केन्द्र संसदीय दलको दिउँसो २ बजे दलकै कार्यालयमा बैठक बस्दै छ । बैठकमा यही असार २८ गते प्रधानमन्त्री पुष्पकमल दाहाल प्रचण्डले लिने विश्वासको मतबारे छलफल हुने छ ।

नेकपा एमालेले माओवादी केन्द्रसँगको सत्ता साझेदारी तोडेर समर्थन फिर्ता लिँदै सरकारबाट बाहिरिएपछि प्रधानमन्त्री प्रचण्डले विश्वासको मत लिन लागेका हुन् । एमाले र अशोक राई नेतृत्वको जसपा पनि सरकारबाट बाहिरिसकेको छ ।

कांग्रेस र एमालेले नयाँ गठबन्धनमा सरकार गठनको तयारी गरिरहेका छन् । माओवादी केन्द्रले समग्र राजनीतिक परिस्थितिको जानकारी सांसदहरुलाई गराउन पनि दलको बैठक बोलाइएको जनाएको छ ।