पेट्रोल र डिजेलको मूल्य घट्यो, अब प्रतिलिटर कति तिर्नुपर्छ ?

नेपाल आयल निगमले पेट्रोलियम पदार्थको मूल्य घटाएको छ। निगमका अनुसार पेट्रोलमा प्रतिलिटर १ रुपैयाँ र डिजेल तथा मट्टितेलमा प्रतिलिटर ३ रुपैयाँले मूल्य घटाइएको हो।

नयाँ मूल्यअनुसार अब पेट्रोलको दर काठमाडौं, पोखरा र दिपायलमा १ सय ५४ रुपैयाँ ५० पैसा कायम गरिएको छ भने सुर्खेत र दाङ क्षेत्रमा १ सय ५६ रुपैयाँ पुगेको छ। त्यसैगरी, चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जमा पेट्रोलको मूल्य १ सय ५७ रुपैयाँ तोकिएको छ।

Ads

Ads

Ads

डिजेलको हकमा काठमाडौं, पोखरा र दिपायलमा नयाँ मूल्य १ सय ३९ रुपैयाँ ५० पैसा पुगेको छ, भने सुर्खेत र दाङमा १ सय ४१ रुपैयाँ र अन्य क्षेत्रहरू — चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज — मा १ सय ४२ रुपैयाँ कायम गरिएको छ। मूल्य समायोजनको यो निर्णय अन्तर्राष्ट्रिय बजारमा कच्चा तेलको मूल्य घटेको कारण गरिएको हो।