हेल्भेटास नेपालद्वारा सिनियर फाइनान्स अफिसर पदका लागि दरखास्त आह्वान

स्वीजरल्याण्डमा मुख्यालय रहेको विकास सहयोग र मानवीय प्रतिक्रियामा संलग्न संस्था हेल्भेटास नेपालले काठमाडौं स्थित कार्यालयमा कार्यभार सम्हाल्ने गरी सिनियर फाइनान्स अफिसर (Senior Finance Officer PNP Projects) पदका लागि योग्य नेपाली नागरिकहरूबाट दरखास्त आह्वान गरेको छ। यो पद अक्टोबर २०२६ देखि वा आपसी सहमतिमा सुरु हुनेछ र सुरुवाती कार्यकाल तीन वर्षको रहने बताइएको छ।

यस पदका लागि मुख्य जिम्मेवारीहरू अन्तर्गत वित्तीय रिपोर्टिङ र अनुपालन, बजेट निर्माण, पीएनपी प्रोजेक्ट पोर्टफोलियोको नियन्त्रण र अनुगमन, व्यवस्थापन सूचना प्रणाली (MIS) को विकास, प्रणाली तथा प्रक्रिया सुधार, र आन्तरिक तथा बाह्य लेखापरीक्षण समन्वय रहेका छन्। आवेदकले उच्च गुणस्तरको वित्तीय तथ्याङ्क सुनिश्चित गर्दै संस्थागत निर्देशिका र टेम्प्लेटहरूको पालना गराउनुपर्नेछ।

शैक्षिक योग्यता र अनुभवतर्फ आवेदकले व्यवसाय प्रशासन (Business Administration) वा वित्त (Finance) विषयमा न्यूनतम स्नातक तह उत्तीर्ण गरेको हुनुपर्नेछ भने स्नातकोत्तर तह उत्तीर्णलाई प्राथमिकता दिइनेछ। वित्त व्यवस्थापन, कन्ट्रोलिङ वा एनालिटिकल भूमिकामा कम्तीमा ८ वर्षको अनुभव हुनुपर्नेछ, जसमा ३ देखि ५ वर्ष अन्तर्राष्ट्रिय विकास वा गैर-सरकारी संस्था (NGO) को क्षेत्रमा दातृ निकायद्वारा सञ्चालित परियोजनाहरूमा काम गरेको अनुभव अनिवार्य गरिएको छ। साथै, ERP, वित्तीय प्रणाली, एडभान्स एक्सेल र Power BI जस्ता उपकरणहरूमा दक्षता हुनुपर्नेछ।

इच्छुक उम्मेदवारहरूले हेल्भेटास नेपालको आधिकारिक वेबसाइट वा तोकिएको लिङ्क https://tinyurl.com/mwe97dc2 मार्फत अनलाइन आवेदन दिन सक्नेछन्। दरखास्त दिने अन्तिम मिति ४ अगस्ट २०२६ (०४.०८.२०२६) तोकिएको छ। छनोट प्रक्रियाका लागि केवल सर्टलिस्ट गरिएका उम्मेदवारहरूलाई मात्र सम्पर्क गरिनेछ।

थप सुचनामा: