गरिमा विकास बैंक लिमिटेडद्वारा ब्रान्च म्यानेजर र चार्टर्ड एकाउन्टेन्टका लागि दरखास्त आह्वान

गरिमा विकास बैंक लिमिटेडले आफ्नो नेतृत्व टोलीलाई सुदृढ बनाउन विभिन्न पदहरूमा कर्मचारी नियुक्तिका लागि दरखास्त आह्वान गरेको छ। बैंकले ब्रान्च म्यानेजर (अधिकृत तह), चार्टर्ड एकाउन्टेन्ट (अधिकृत तह) र सेमी क्वालिफाइड चार्टर्ड एकाउन्टेन्ट (वरिष्ठ सहायक/सुपरभाइजर) पदमा आवेदन माग गरेको हो। इच्छुक उम्मेदवारहरूले ३१ जुलाई २०२६ सम्म अनलाइन माध्यमबाट आवेदन दिन सक्नेछन्।

ब्रान्च म्यानेजर पदका लागि काठमाडौं उपत्यका भित्र, धनगढी र सुर्खेतका शाखाहरूका लागि आवेदन माग गरिएको छ। यसका लागि मान्यता प्राप्त विश्वविद्यालयबाट व्यवस्थापन, अर्थशास्त्र वा सम्बन्धित विषयमा न्यूनतम स्नातक (स्नातकोत्तरलाई प्राथमिकता) तह उत्तीर्ण गरी बैंक तथा वित्तीय संस्थामा कम्तिमा ५ वर्षको कार्य अनुभव हुनुपर्नेछ। उम्मेदवारलाई शाखा सञ्चालन, क्रेडिट मूल्याङ्कन र नेपाल राष्ट्र बैंकका निर्देशनहरू सम्बन्धी राम्रो ज्ञान हुनुपर्ने बैंकले उल्लेख गरेको छ।

चार्टर्ड एकाउन्टेन्ट पदका लागि ICAI वा ICAN बाट योग्यता प्राप्त गरेको हुनुपर्नेछ भने बैंकिङ क्षेत्रको लेखापरीक्षणमा अनुभव भएकालाई प्राथमिकता दिइनेछ। त्यस्तै, सेमी क्वालिफाइड चार्टर्ड एकाउन्टेन्ट पदका लागि पनि ICAI वा ICAN बाटै अर्ध-योग्यता प्राप्त गरी बैंकिङ लेखापरीक्षण अनुभव भएकालाई प्राथमिकता दिइनेछ।

उमेरको हदको हकमा आवेदन दिने अन्तिम मितिसम्म सहायक तहका लागि ३५ वर्ष र अधिकृत तहका लागि ४० वर्ष ननाघेको हुनुपर्नेछ। महिला आवेदकको हकमा माथिल्लो उमेर हदमा ५ वर्ष थप गरिने बैंकले जनाएको छ। इच्छुक योग्य उम्मेदवारले बैंकको आधिकारिक वेबसाइट www.garimabank.com.np/career मार्फत आफ्नो अद्यावधिक बायोडाटा (CV) सहित आवेदन दिनुपर्नेछ। संक्षिप्त सूचीमा परेका उम्मेदवारहरूलाई मात्र छनोट प्रक्रियाका लागि सम्पर्क गरिनेछ।

थप सुचनामा: