मेरोमाइक्रोफाइनान्स लघुवित्तमा जागिर खुल्यो, कति पाइन्छ तलब ?

मेरोमाइक्रोफाइनान्स लघुवित्त वित्तीय संस्था लिमिटेड, नेपाल राष्ट्र बैंकबाट “घ” वर्गको इजाजतपत्र प्राप्त राष्ट्रिय स्तरको वित्तीय संस्था, आफ्ना शाखा कार्यालयका लागि कर्मचारी आवश्यकता अनुसार दरखास्त आह्वान गरेको छ। संस्थाले हाल नेपालका ६४ जिल्ला १४९ शाखा कार्यालयमार्फत लघुवित्त सेवा प्रदान गर्दै आएको छ। योग्य तथा अनुभवी नेपाली नागरिकले मिति माघ २२, २०८२ भित्र अनलाइन फारममार्फत आवेदन दिन सक्नेछन्।

संस्थाले हाल खुला पदको रूपमा कनिष्ठ सहायक पदमा १ जनाको माग गरेको छ। यस पदका लागि न्यूनतम प्रवीणता प्रमाणपत्र वा सो सरहको परीक्षा उत्तीर्ण, लघुवित्त वा बैंकिङ क्षेत्रमा कम्तीमा २ वर्षको अनुभव, मोटरसाइकल चालक अनुमति पत्र र कम्प्युटर दक्षता भएका उम्मेदवारलाई प्राथमिकता दिइनेछ। पदको मासिक तलब रु. ३५,५००/- तय गरिएको छ भने सञ्चयकोष, पेन्सन/उपदान, बीमा र कल्याणकारी सुविधा लगायत अन्य सुविधा संस्थाको नियमअनुसार उपलब्ध हुनेछ।

Ads

उम्मेदवारको उमेर १८–३५ वर्षसम्म हुनुपर्नेछ भने महिलालाई ५ वर्षको अतिरिक्त उमेर छूट दिइनेछ। नियुक्ति ६ महिनाको परीक्षणकालमा हुनेछ, जुन स्थायी कार्य अवधिमा गणना गरिनेछ। चयन प्रक्रिया आवश्यकताअनुसार अन्तरवार्ता, प्रस्तुतिकरण, कम्प्युटर र प्रयोगात्मक परीक्षणमा आधारित हुनेछ। आवेदन अनलाइन apply.meromicrofinance.com मार्फत मात्र दिनुपर्नेछ र केवल रीतपूर्वक प्राप्त आवेदनमध्ये छनौट सूचीमा परेका उम्मेदवारलाई मात्र सम्पर्क गरिनेछ।

यो खबर पढेर तपाईलाई कस्तो महसुस भयो ?