वाणिज्य बैंकका प्रमुख कार्यकारी अधिकृत (सीईओ) संस्था नेपाल बैंकर्स संघको आगामी अध्यक्ष चयनका लागि दुई उम्मेदवारले प्रतिस्पर्धा गर्ने भएका छन्।
माछापुच्छ्रे बैंकका सीईओ सन्तोष कोइराला र प्रभु बैंकका सीईओ अशोक शेरचनले संघको नेतृत्वका लागि उम्मेदवारी दिएका हुन्। कोइराला हाल संघको उपाध्यक्षको भूमिकामा छन्।
संघको नयाँ नेतृत्व ३८औं वार्षिक साधारणसभाबाट पुस ३ गते चयन हुनेछ। पछिल्लो एक दशकदेखि संघको अध्यक्ष उपाध्यक्षबाटै चयन हुने परम्परा रहँदै आएको छ। यसअघि उपेन्द्र पौडेल, राजनसिंह भण्डारी, अनिल शाह, ज्ञानेन्द्र ढुंगाना, भुवन दहाल, अनिल उपाध्याय, र सुनिल केसी उपाध्यक्षबाट अध्यक्ष बनेका थिए। हाल संघको अध्यक्षमा सुनिल केसी रहेका छन्।
यो पटक भने अध्यक्ष चयनका लागि निर्वाचनको आवश्यकता पर्ने देखिएको छ।
प्रतिकृया