लगभग ६० प्रतिशतले बढ्यो अलैँची निर्यात, माघ मसान्तसम्म ८ अर्ब ६१ करोडको कारोबार

मेची भन्सार कार्यालयका अनुसार चालू आर्थिक वर्ष २०८२/८३ को माघ मसान्तसम्म अलैँची निर्यात ५९ दशमलव ८० प्रतिशतले बढेको छ। सो अवधिमा ८ अर्ब ६१ करोड २० लाख ७ हजार बराबरको अलैँची निर्यात भएको कार्यालयले जनाएको छ।

भन्सारका सूचना अधिकारी ईश्वरकुमार हुमागाईं का अनुसार चालू आवको अहिलेसम्म ४ हजार १५३ दशमलव १५ मेट्रिक टन अलैँची निर्यात भएको छ। अघिल्लो आव २०८१/८२ को सोही अवधिमा करिब ५ अर्ब ३८ करोड ८० लाख २० हजार बराबरको अलैँची निर्यात भएको थियो।

Ads

Ads

Ads

कार्यालयको तथ्यांकअनुसार चालु आवको १० महिनामा चियाको निर्यात २६ दशमलव ७० प्रतिशतले घटेको छ। सो अवधिमा २ अर्ब ३२ करोड १२ लाख ५६ हजार बराबरको चिया निर्यात भएको छ। अघिल्लो आव २०८१/८२ को सोही अवधिमा ३ अर्ब १६ करोड ६२ लाख १३ हजार बराबरको चिया निर्यात भएको थियो।