२ अर्ब नाफा! माछापुच्छ्रे बैंकको प्रतिसेयर आम्दानी १७ रुपैयाँ नाघ्यो

माछापुच्छ्रे बैंक लिमिटेडले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरणअनुसार, बैंकको खुद नाफा ९२.४५ प्रतिशतले बढेर २ अर्ब १ करोड १४ लाख रुपैयाँ पुगेको छ। अघिल्लो वर्षको सोही अवधिमा बैंकले १ अर्ब ४ करोड ५१ लाख रुपैयाँ खुद नाफा कमाएको थियो।

बैंकको खुद ब्याज आम्दानी बढ्नु र इम्पेयरमेन्ट चार्ज घटेका कारण नाफा बढेको हो।

Ads

Ads

Ads

चौथो त्रैमाससम्ममा माछापुच्छ्रे बैंकको खुद ब्याज आम्दानी १५.४१ प्रतिशतले बढेर ५ अर्ब ७६ करोड रुपैयाँ पुगेको छ भने सञ्चालन आम्दानी १६.५१ प्रतिशतले बढेर ७ अर्ब ४४ करोड रुपैयाँ पुगेको छ।

यता, इम्पेयरमेन्ट चार्ज १ अर्ब ३९ करोड रुपैयाँबाट घटेर ३५ करोड ३७ लाख रुपैयाँमा सीमित भएको छ। बैंकको खराब कर्जा अनुपात ०.०३ प्रतिशतबिन्दुले घटेर ३.८३ प्रतिशतमा सीमित भएको छ।

समीक्षा अवधिमा बैंकले १ खर्ब ८४ अर्ब १७ करोड रुपैयाँ निक्षेप संकलन गरी १ खर्ब ४१ अर्ब ६३ करोड रुपैयाँ कर्जा प्रवाह गरेको छ।

Ads

११ अर्ब ६२ करोड १३ लाख रुपैयाँ चुक्ता पूँजी रहेको बैंकको वितरणयोग्य नाफा १ अर्ब ७ करोड रुपैयाँ र जगेडा कोषमा ७ अर्ब ४१ करोड रुपैयाँ सञ्चित छ। बैंकको प्रतिशेयर आम्दानी ८ रुपैयाँ ३१ पैसा बढेर १७ रुपैयाँ ३१ पैसा पुगेको छ भने वितरणयोग्य प्रतिशेयर आम्दानी ९ रुपैयाँ २३ पैसा रहेको छ। यस्तै, प्रतिशेयर नेटवर्थ १६३ रुपैयाँ ८० पैसा रहेको छ।

अन्य कम्पनीहरूको चौथो त्रैमासको वित्तीय विवरण सहज रूपमा पढ्न हामीलाई Facebook मा Follow गर्नुहोस्।