एनएलजी इन्स्योरेन्स कम्पनी लिमिटेडको हकप्रद सेयरमा आवेदन दिने अवधि थप गरिएको छ । कम्पनीले गत मंसिर ११ गतेदेखि निष्काशन गरेको हकप्रदमा आवेदन दिने समय थप गरिएको हो ।
उक्त हकप्रदमा खरिदका लागि पुस १ गतेसम्म खरिद आवेदन दिन सकिने व्यवस्था गरिएको थियो ।तर अब हकप्रद खरिदका लागि पुस १६ गतेसम्म आवेदन दिन सकिनेछ । कम्पनीले चुक्तापूँजीको १०ः६.२५६ अनुपातमा १०० रुपैयाँ अंकित दरका ९६ लाख ३१ हजार २२०.२२ कित्ता हकप्रद साधारण सेयरको बिक्री आवेदन खुल्ला गरेको छ ।
कम्पनीले हकप्रद निष्कासन प्रयोजनका लागि कात्तिक २७ गते बुक क्लोज गर्ने निर्णय गरेको छ । जस अनुसार कात्तिक २६ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीले निष्काशन गरेको हकप्रद खरिद गर्न योग्य हुनेछन् । कम्पनीको सेयर निष्कासन तथा बिक्री प्रबन्धकमा लक्ष्मी सनराइज क्यापिटल छ। हकप्रद सेयर बिक्रीपछि कम्पनीको चुक्ता पुँजी २ अर्ब ५० करोड २६ लाख रुपैयाँ पुग्नेछ।
प्रतिकृया