काठमाण्डौं उपत्यका खानेपानी लिमिटेड (केयूकेएल)ले कर्मचारी माग गरेको छ। केयूकेएलले आज (बिहीबार) सार्वजनिक सूचना जारी गरि रिक्त भएका पदहरू आन्तरिक, खुला, समावेशी र प्रतियोगिताद्वारा लोकसेवा आयोगबाट लिखित परीक्षा सञ्चालन गरी स्थायी पदपूर्ति गर्ने भएको हो।
केयूकेएलले उप प्रबन्धकदेखि कम्युटर उपरेटरसम्मको पदको लागि दरखास्त आह्वान गरेको हो ।
दरखास्त फाराम कम्पनीको वेबसाइट www.kathmanduwater.org डाउनलोड गरी प्राप्त गर्न सकिने बिहीबार जारी सूचनामा भनिएको छ। उमेद्वारले आज साउन २४ गतेदेखि २१ दिनभित्र आवेदन बुझाउनु पर्ने छ ।
उमेर हकमा अधिकृत स्तरको सातौं, आठौं र नवौं तह पदको लागि २१ वर्ष पूरा भई ४० वर्ष ननाघेको, छैटौं तहको लागि २१ वर्ष पूरा भई ३५ वर्ष ननाघेको र सहायक स्तरको लागि १८ वर्ष पूरा भई ३५ वर्ष ननाघेको हुनु पर्नेछ ।
महिला र अपांगता भएका व्यक्तिको लागि ४० वर्षको उमेरसम्म उम्मेदवार हुन सक्ने छन्।
प्रतिकृया