एलआइसी नेपालको हकप्रद सेयरमा आजबाट आवेदन दिन सकिने

लाइफ इन्सुरेन्स कर्पोरेसन (एलआइसी) नेपालको ८८.४५ प्रतिशत हकप्रद सेयरमा आज बुधबार मंसिर १२ गतेदेखि आवेदन दिन सकिनेछ । कम्पनीले १ः०.८८४५ अनुपातमा २ अब ३४ करोड ६८ लाख रुपैयाँ बराबरको २ करोड ३४ लाख ६८ हजार कित्ता हकप्रद सेयर निष्काशन गरेको छ । कम्पनीले १ सय अंकित मूल्यमा हकप्रद सेयर निष्काशन गर्न लागेको हो।

उक्त हकप्रद सेयरका लागि एलआइसी नेपालले कात्तिक ९ गते बुक क्लोज गरिसकेको छ । तसर्थ, कात्तिक ८ गतेसम्म कायम रहेका सेयरधनीले मात्र हकप्रद सेयरमा आवेदन दिन पाउनेछन् । यो हकप्रद सेयरमा सेयरधनीले पुस २ गतेसम्म आवेदन दिन सक्नेछन् ।

हकप्रद सेयर निष्कासनका लागि बिक्री प्रबन्धक नेपाल एसबीआई मर्चेन्ट बैंकिङले रहेको छ । हकप्रदमा आवेदन दिन बिक्री प्रबन्धक एसबीआईमर्चेन्ट बैंकिङ र लाइफ इन्सुरेन्स कर्पोरेसन (एलआइसी) नेपालको स्टार मल, पुतलीसडक काठमाडौं तथा देशभरका सम्पूर्ण शाखा कार्यालयबाट सकिनेछ ।साथै, धितोपत्र बोर्डबाट आस्वा अनुमति प्राप्त बैंक तथा वित्तीय संस्था र मेरो सेयरमार्फत आवेदन दिन सकिनेछ।