सुदूरपश्चिम प्रदेश सरकार अन्तर्गतको व्यवसायिक तथा सीप विकास तालिम केन्द्र, धनगढी, कैलालीले आर्थिक वर्ष २०८३/२०८४ को प्रथम सत्रमा सञ्चालन गरिने विभिन्न आधारभूत सीप विकास तालिमहरूको लागि दरखास्त/प्रस्ताव आह्वान गरेको छ। यस सूचना अनुसार इच्छुक स्थानीय तह तथा व्यक्तिगत आवेदकहरूले यो सूचना प्रकाशित भएको मितिले १५औँ दिनको कार्यालय समयभित्र आवेदन फाराम पेश गर्नुपर्नेछ।
केन्द्रले सञ्चालन गर्ने नि:शुल्क तालिमहरूमा कटाई सिलाई, प्लम्बिङ्ग, ब्युटिसियन र मोटरसाईकल मर्मत रहेका छन्। यी सबै तालिमहरूको अवधि ६ महिना (७३० कार्यघण्टा) तोकिएको छ र यसका लागि न्यूनतम शैक्षिक योग्यता कक्षा ८ उत्तीर्ण हुनुपर्नेछ। आवेदन फाराम बुझाउने अन्तिम मिति २०८३/०४/०७ गतेसम्म रहेको छ भने सम्पर्क मिति २०८३/०४/०८ गते तोकिएको छ। अन्तर्वार्ताको मिति सम्पर्क मितिको दिन तय गरिने सूचनामा उल्लेख छ।
यसका साथै, स्थानीय तहको सहकार्यमा ६ महिने ‘विद्युत जडान’ तालिम पनि सञ्चालन गरिनेछ। यसका लागि स्थानीय तहले २०८३ साल श्रावण ७ गतेभित्र प्रस्ताव पेश गरिसक्नुपर्नेछ। व्यक्तिगत आवेदकहरूको हकमा उमेर १६ वर्ष पूरा भई ४५ वर्ष ननाघेको हुनुपर्नेछ। आवेदनका साथमा नेपाली नागरिकताको प्रमाणपत्र र शैक्षिक योग्यताको प्रमाणपत्रको प्रतिलिपि संलग्न हुनुपर्नेछ। दलित, अपाङ्ग, शहिद परिवार, विपन्न एकल महिला र प्रवेशिका परीक्षा (SEE/SLC) अनुत्तीर्ण भएकाहरूलाई छनोट प्रक्रियामा प्राथमिकता दिइने केन्द्रले जनाएको छ।
थप सुचनामा:
