बागमती प्रदेश सरकार, स्वास्थ्य तथा सामाजिक विकास मन्त्रालय अन्तर्गतको सामाजिक विकास कार्यालय, हेटौंडाले आर्थिक वर्ष २०८३/०८४ को स्वीकृत वार्षिक कार्यक्रम अनुसार विभिन्न सीप विकास तालिमहरू सञ्चालन गर्न दरखास्त आह्वान गरेको छ। इच्छुक र योग्यता पुगेका नेपाली नागरिकहरूले यो सूचना प्रथम पटक प्रकाशित भएको मिति (२०८३/०४/११) ले १५ दिनभित्र अर्थात् २०८३ साउन २५ गतेसम्ममा यस कार्यालयमा दरखास्त फारम बुझाउनु पर्नेछ।
प्रस्तावित तालिमहरूमा ६ महिने (७३० कार्य घण्टा) कम्प्युटर सफ्टवेयर तालिमका लागि SLC/SEE उत्तीर्ण हुनुपर्नेछ। यस्तै, ३ महिने (३९० कार्य घण्टा) तालिमहरू अन्तर्गत जनरल मेकानिक्स, केश श्रृंगार तथा सौन्दर्य (बेसिक), र प्लम्बिङका लागि कक्षा ८ उत्तीर्ण हुनुपर्नेछ। सिलाई कटाई (बेसिक) का लागि कक्षा ८ उत्तीर्ण र इलेक्ट्रोनिक्स मर्मत तालिमका लागि कक्षा १० उत्तीर्ण शैक्षिक योग्यता तोकिएको छ।
आवेदनका साथ हालसालै खिचिएको पासपोर्ट साइजको फोटो, नेपाली नागरिकताको प्रतिलिपि र शैक्षिक योग्यताको प्रमाणपत्रहरू संलग्न गर्नुपर्नेछ। तालिममा सहभागी हुने उम्मेदवारहरूको छनौट अन्तर्वार्ताद्वारा गरिनेछ। अन्तर्वार्ताको मिति कम्प्युटर सफ्टवेयर र जनरल मेकानिक्सका लागि २०८३/०४/२६ गते, केश श्रृंगार र प्लम्बिङका लागि २०८३/०४/२७ गते तथा सिलाई कटाई र इलेक्ट्रोनिक्स मर्मतका लागि २०८३/०४/२८ गते बिहान १० बजेका लागि तय गरिएको छ।
तालिमका लागि आवेदकको उमेर १६ वर्ष पूरा भई ४० वर्ष ननाघेको हुनुपर्नेछ। यस कार्यक्रममा गरिब, विपन्न, दलित, महिला, पिछडिएको वर्ग, अपाङ्ग, जनआन्दोलनका घाइते, शहीद परिवार तथा एकल महिलालाई प्राथमिकता दिइने सूचनामा उल्लेख छ। आवेदन फारम सामाजिक विकास कार्यालय, हेटौंडा, मकवानपुरबाट प्राप्त गर्न सकिनेछ।
थप सुचनामा:
