एनआरएन इन्फ्रास्ट्रक्चर एण्ड डेभलपमेन्ट लिमिटेडले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ। वित्तीय विवरण अनुसार कम्पनीको खुद नाफा २३.९४ प्रतिशतले बढेर ६ करोड ९१ लाख रुपैयाँमा पुगेको छ। अघिल्लो वर्षको सोही अवधिमा कम्पनीले ५ करोड ५८ लाख रुपैयाँ खुद नाफा कमाएको थियो।
समीक्षा अवधिमा कम्पनीको कुल आम्दानी २८.७६ प्रतिशतले बढेर १० करोड ३८ लाख रुपैयाँ पुगेको छ। यद्यपि, लाभांश आम्दानी ४३.४८ प्रतिशत र वित्तीय आम्दानी १८.२० प्रतिशतले घटेको छ। अर्कोतर्फ, कुल खर्च १३९.४१ प्रतिशतले बढेर ३४ लाख ३ हजार रुपैयाँ पुगेको छ।
नाफासँगै कम्पनीको प्रतिशेयर आम्दानी १ रुपैयाँ १० पैसाले बढेर ७ रुपैयाँ १८ पैसा पुगेको छ। कम्पनीको प्रतिसेयर नेटवर्थ १७१ रुपैयाँ २२ पैसा रहेको छ। १ अर्ब २८ करोड ४३ लाख रुपैयाँ चुक्ता पुँजी रहेको एनआरएन इन्फ्रास्ट्रक्चरको रिटेन्ड अर्निङ्ग मा १२ करोड ३ लाख रुपैयाँ सञ्चित छ।
प्रतिकृया