पाँचथर पावर कम्पनीले बोलायो आठौं वार्षिक साधारण सभा

पाँचथर पावर कम्पनी लिमिटेडले आठौं वार्षिक साधारण सभा बोलाएको छ। कम्पनीको जेठ ४ गते बसेको सञ्चालक समिति बैठकले आगामी जेठ २७ गते साधारण सभा बोलाएको हो। सभा काठमाडौं बत्तिसपुतलीस्थित होटल इम्पेरियलमा बिहान ११ बजे सुरु हुनेछ।

कम्पनीले सेयरधनीहरुको लागि लाभांश सम्बन्धी कुनै प्रस्ताव गरेको छैन । उक्त सभामा कम्पनीको नियमावली नियम २७ (२) को सञ्चालक समितिको संख्या संशोधन गर्ने, एक्सेस इन्भेष्टमेन्ट र मेगा भेन्चर प्रालिलाई प्राप्ति गर्ने/गाभ्ने र आयोजनामा पुनःनिर्माणका लागि कर्जा थप गर्ने लगायतका विशेष प्रस्ताव पारित हुनेछ । तेस्तै, सभामा सञ्चालक समितिको अध्यक्षद्वारा प्रस्तुत गरिने गत आर्थिक वर्षको  वार्षिक प्रतिवेदनमाथि छलफल गरी पारित गरिनुका साथै लेखापरीक्षकद्वारा प्रस्तुत गत आर्थिक वर्षको लेखापरीक्षक प्रतिवेदन सहितको आय व्यय विवरण र वासलातमाथि छलफल गरी पारित गरिनेछ ।

Ads

Ads

Ads

यसैगरी सभामा चालु आर्थिक वर्षका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित हुनेछ ।  सभा प्रयोजनका लागि कम्पनीले जेठ १७ गते बुक क्लोज गर्ने भएको छ । तसर्थ, जेठ १६ गतेसम्म कायम सेयरधनीले सभामा भाग लिन पाउने छन् ।

Ads