प्राइम कमर्सियल बैंक लिमिटेडले मंसिर १९ गते आफ्नो वार्षिक साधारण सभा डाकेको छ। यो सभा काठमाडौँको आर्मी अफिसर्स क्लब, भद्रकालीमा बिहान ११ बजे सुरु हुनेछ।
सभामा बैंकले ५ प्रतिशत नगद लाभांश (करसहित) वितरण गर्ने प्रस्ताव पारित गर्नेछ। साथै, गत आर्थिक वर्षको वार्षिक प्रतिवेदन, नाफा-नोक्सान विवरण, नगद प्रवाहलगायतका अन्य वित्तीय विवरणहरूमा छलफल हुनेछन्। साधारण सभामा मर्जर र एक्विजिशनका विषयमा निर्णय लिनका लागि सञ्चालक समितिलाई अधिकार दिने प्रस्ताव पनि पेस हुनेछ।
लाभांश प्राप्त गर्नका लागि बैंकले मंसिर ९ गते बुक क्लोज मिति तय गरेको छ। यस अनुसार, मंसिर ८ गतेसम्म कायम रहने सेयरधनीहरूले मात्र सभामा सहभागिता जनाउन र लाभांश पाउन योग्य हुनेछन्।
प्रतिकृया