विजय लघुवित्तले लाभांश वितरण नगर्ने

विजय लघुवित्त वित्तीय संस्था लिमिटेडले गत आर्थिक वर्ष ०७९/८० को लागि कुनै पनि लाभांश वितरण नगर्ने भएको छ । कम्पनीको असार १  गते बसेको कम्पनीको सञ्चालक समितिको बैठकले गत आर्थिक वर्षको मुनाफाबाट लाभांश वितरण नगर्ने निर्णय गरेको हो ।

गत वर्षको वार्षिक प्रतिवेदन सहितका वित्तीय विवरण आगामी वार्षिक साधारण सभामा पेश गर्नका लागि राष्ट्र बैंकको स्वीकृति लिने निर्णय पनि सोही बैठकले गरेको छ ।

यस कम्पनीले विगतका वर्षहरूमा निरन्तर लाभांश वितरण गर्दै आएको थियो तर यो वर्ष भने लगानीकर्ताको हात खाली भएको छ ।

#BajarkoChirfar  #bazarkochirfar