बुङ्गल हाइड्रोको १ लाख बढी कित्ता सेयरको ‘लकइन’ सकिँदै

बुङ्गल हाइड्रो लिमिटेडको सामूहिक लगानीकोष (Mutual Fund) अन्तर्गत रहेको सेयरको लकइन आगामी चैत १ गतेपछि समाप्त हुने भएको छ। कम्पनीले सर्वसाधारणमा गत असोज २ गते आईपीओ बाँडफाँड गरेको थियो।

सर्वसाधारणमा बाँडफाँड भएको ६ महिनासम्म लकइनमा रहेको सामूहिक लगानीकोषका १ लाख ३ हजार ७५० कित्ता सेयर चैत १ गतेपछि खुला हुनेछन्।

कम्पनीले कुल ८३ करोड रुपैयाँको जारी पूँजीको ३५ प्रतिशत बराबर, अर्थात् २९ लाख ५ हजार कित्ता सेयर सर्वसाधारणमा जारी गरेको थियो।

सामूहिक लगानीकोषसँगै कम्पनीको संस्थापक तर्फका ५३ लाख ९५ हजार कित्ता, स्थानीय तर्फका ८ लाख ३० हजार कित्ता र कर्मचारी तर्फका ६२ हजार २५० कित्ता सेयर पनि लकइनमा रहेका छन्। यी सेयर सर्वसाधारणमा बाँडफाँट भएको मितिबाट तीन वर्षसम्म लकइनमा रहनेछन्।