दैनिक किनमेल सजिलो बनाउन फुडमाण्डुको वानमार्ट अब ललितपुरमा पनि उपलब्ध

नेपालको पहिलो र यो लोकप्रिय फुड डेलिभरी कम्पनी फुडमाण्डुको किराना सामान सेवा फुडमाण्डु वानमार्ट अब ललितपुरमा पनि सुरु भएको छ।

पहिले यो सेवा गैरिधारा आसपासको ३ किलोमिटरभित्र मात्र सीमित थियो। अब ललितपुरको सानेपाबाट ४ किलोमिटर वरपरका जावलाखेल, लगनखेल, सातदोबाटो, इमाडोल, धोबीघाट, भैंसेपाटी, नक्खु र बालकुमारीमा पनि सेवा उपलब्ध हुनेछ।

ग्राहकहरूले अब ७०० भन्दा बढी गुणस्तरीय किराना सामान सजिलै अर्डर गरी छिटो र भरपर्दो डेलिभरी पाउन सक्नेछन्।

फुडमाण्डुका संस्थापक मनोहर अधिकारीले भने, “हामी हाम्रा ग्राहकहरूको जीवनलाई झनै सहज बनाउन प्रयासरत छौँ। ललितपुरमा यो सेवा विस्तारले दैनिक किनमेललाई झन्झटरहित बनाउनेछ।”