बुधबार अमेरिकी डलरको मूल्य इतिहासकै उच्च बिन्दुमा, अन्य मुद्राको विनिमय दर कति ?
नेपाल राष्ट्र बैंकले बुधबारका लागि विदेशी मुद्राको विनिमय दर सार्वजनिक गरेको छ। अमेरिकी डलरको मूल्य इतिहासकै उच्च बिन्दुमा पुगेको छ।
बुधबार अमेरिकी डलर एकको खरिददर १३६ रुपैयाँ ६९ पैसा र बिक्रीदर १३७ रुपैयाँ ३९ पैसा रहेको छ। यसअघि मंगलबार खरिददर १३६ रुपैयाँ ५६ पैसा र बिक्रीदर १३७ रुपैयाँ १६ पैसा रहेको थियो।
अन्य प्रमुख मुद्राको विनिमय दरमा युरोपियन युरोको खरिददर १४२ रुपैयाँ ३५ पैसा र बिक्रीदर १४२ रुपैयाँ ९७ पैसा रहेको छ। यस्तै, बेलायती पाउण्डको खरिददर १७१ रुपैयाँ ४३ पैसा र बिक्रीदर १७२ रुपैयाँ १४ पैसा निर्धारण भएको छ।
चिनियाँ युआनको खरिददर १८ रुपैयाँ ७३ पैसा र बिक्रीदर १८ रुपैयाँ ८१ पैसा, भारतीय रुपैयाँ १०० को खरिददर १६० रुपैयाँ र बिक्रीदर १६० रुपैयाँ १५ पैसा कायम गरिएको छ।
राष्ट्र बैंकले तोकिएको विनिमय दर आवश्यकता अनुसार संशोधन हुन सक्ने जनाएको छ।