चीनले अमेरिकाबाट आयात हुने सामानमा १० प्रतिशत कर लगायो
अमेरिकाले चीनबाट आयात हुने सामानमा १० प्रतिशत कर लगाएपछि, चीनले पनि बदलामा अमेरिकी कोइला, तरल प्राकृतिक ग्यास (LNG) मा १५ प्रतिशत तथा कच्चा तेल, कृषि मेसिनरी, ठूला इन्जिन भएका कारहरूमा १० प्रतिशत कर लगाउने निर्णय गरेको छ। साथै, चीनले अमेरिकी प्रविधि कम्पनी गुगल विरुद्ध एकाधिकार अनुसन्धान सुरु गरेको छ। चीनले अमेरिकाको कदमलाई अन्तर्राष्ट्रिय व्यापार नियमविपरीत भन्दै विश्व व्यापार संगठनमा उजुरी दिएको छ। अमेरिकाले मेक्सिको र क्यानडाका लागि कर ३० दिन स्थगित गरे पनि चीनलाई कुनै सुविधा दिएको छैन। व्यापार तनाव पुनः चुलिँदै गएको संकेत देखिएको छ।