ओम मेगाश्री फर्मास्युटिकल्सको आइपीओ पहिलो दिनमै ओभर-सब्स्क्राइब
ओम मेगाश्री फर्मास्युटिकल्स लिमिटेडले वैदेशिक रोजगारीमा रहेका नेपालीहरूका लागि बिक्री खुला गरेको सेयर पहिलो दिनमै २.०६ गुणा बढी आवेदन परेको छ। माघ २१ गते बेलुका ५:१० सम्म १४,७०१ जनाले ३ लाख ७१ हजार ६३० कित्ताका लागि आवेदन दिएका छन्। कम्पनीले अनुमति पाएको कुल कित्ताको १० प्रतिशत अर्थात् १ लाख ८० हजार कित्ता सेयर खुला गरेको हो। आवेदन फागुन ५ गतेसम्म दिन सकिनेछ। केयर रेटिङ नेपालले कम्पनीलाई डबल बी माइनस रेटिङ प्रदान गरेको छ। प्रभु क्यापिटल बिक्री प्रबन्धक रहेको यस आईपीओमा सी–आस्वा वा मेरो सेयरमार्फत आवेदन दिन सकिनेछ।