प्राइम कमर्सियल बैंकको वितरणयोग्य नाफा साढे ४ सय प्रतिशतले बढ्यो, नाफा कति ?

प्राइम कमर्सियल बैंकले चालु आर्थिक वर्षको तेस्रो त्रैमासको वित्तीय विवरण प्रकाशित गरेको छ।

वित्तीय विवरण अनुसार बैंकको खुद नाफा २२.५६ प्रतिशतले घटेर २ अर्ब २२ करोड ९३ लाख रुपैयाँमा सीमित भएको छ। अघिल्लो वर्षको सोही अवधिमा बैंकले २ अर्ब ८७ करोड रुपैयाँ खुद नाफा कमाएको थियो।

खुद ब्याज आम्दानी बढेपनि इम्पेयरमेन्ट चार्ज बढेको कारण नाफा बढ्न पुगेको हो। खुद ब्याज आम्दानी १५.१७ प्रतिशतले बढेर ६ अर्ब ६६ करोडमा पुगेको छ

भने सञ्चालन आम्दानी १६.४८ प्रतिशतले बढेर ८ अर्ब ३४ करोडमा पुगेको छ। इम्पेयरमेन्ट चार्ज १ अर्ब ५३ करोड १५ लाखबाट बढेर २ अर्ब ३३ करोड १५ लाख रुपैयाँमा पुगेको छ।

खराब कर्जा अनुपात १.३६ प्रतिशतबिन्दुले बढेर ५.६५ प्रतिशत पुगेको छ। समीक्षा अवधिमा बैंकले २ खर्ब ४४ अर्ब ८० करोड रुपैयाँ निक्षेप संकलन गरी २ खर्ब ०५ अर्ब २४ करोड रुपैयाँ कर्जा प्रवाह गरेको छ। बैंकको चुक्ता पूँजी १९ अर्ब ४० करोड २५ लाख ७५ हजार रुपैयाँ रहेको छ भने वितरणयोग्य नाफा १ अर्ब ७३ करोड रुपैयाँ र जगेडा कोषमा १० अर्ब ८० करोड ८३ लाख रुपैयाँ सञ्चित छ।

बैंकको प्रतिसेयर आम्दानी (ईपीएस) ४.४६ रुपैयाँले घटेर १५.३२ रुपैयाँमा आएको छ। यस्तै प्रतिसेयर नेटवर्थ १८३.०८ रुपैयाँ रहेको छ।