एभरेष्ट बैंकको ईपिएस ३५ रुपैयाँ माथि, कमायो साढे ३ अर्ब

अघिल्लो वर्षको सोही अवधिमा बैंकले २ अर्ब ६० करोड रुपैयाँ खुद नाफा कमाएको थियो। खुद ब्याज आम्दानी १९.७२ प्रतिशतले बढेर ६ अर्ब ७४ करोड रुपैयाँमा आएको छ भने सञ्चालन आम्दानी ३६.४१ प्रतिशतले बढेर ५ अर्ब ८ करोड रुपैयाँमा पुगेको छ। इम्पेयरमेन्ट चार्ज ६३ करोड ७१ लाख रुपैयाँबाट घटेर २७ करोड २९ लाख ९८ हजार रुपैयाँमा आएको छ।

खराब कर्जा अनुपात ०.०६ प्रतिशतबिन्दुले घटेर ०.६४ प्रतिशत पुगेको छ। समीक्षा अवधिमा बैंकले २ खर्ब ६६ अर्ब ४४ करोड रुपैयाँ निक्षेप संकलन गरी २ खर्ब १६ अर्ब १७ करोड रुपैयाँ कर्जा प्रवाह गरेको छ।

बैंकको चुक्ता पूँजी १२ अर्ब ९४ करोड रुपैयाँ रहेको छ भने वितरणयोग्य नाफा ३ अर्ब ६८ करोड रुपैयाँ र जगेडा कोषमा १३ अर्ब ६२ करोड रुपैयाँ सञ्चित छ। बैंकको प्रतिसेयर आम्दानी (ईपीएस) ६.०६ रुपैयाँले बढेर ३५ रुपैयाँ ६१ पैसामा पुगेको छ। यस्तै प्रतिसेयर नेटवर्थ २३५ रुपैयाँ ४७ पैसा रहेको छ।