सगरमाथा लुम्बिनी जनरल इन्स्योरेन्सको संस्थापक सेयर बिक्री खुला

कुमारी बैंक लिमिटेडले आफ्नो स्वामित्वमा रहेको सगरमाथा लुम्बिनी जनरल इन्स्योरेन्स कम्पनी लिमिटेडको १ लाख १४ हजार ६१२ कित्ता संस्थापक सेयर आज (चैत २८ गते) देखि बिक्री खुलाएको छ ।

संस्थापक सेयरको बिक्रि मुल्य २७५ रूपैयाँ तोकिएको छ । इच्छुक खरिदकर्ताले प्रतिस्पर्धात्मक मूल्य कबोल गरी बोलपत्र पेस गर्नुपर्नेछ । बोलपत्र पेस गर्दा न्यूनतम एक हजार कित्ता र अधिकतम सबै कित्ता सेयरका लागि आवेदन दिन सकिने कम्पनीले जनाएको छ ।

सेयर खरिद गर्न इच्छुक विद्यमान संस्थापकहरूले खरिद गर्न चाहेको सेयर संख्या र  मूल्य तोकि बिक्री प्रबन्धक कुमारी क्यापिटल लिमिटेड नागपोखरी, काठमाडौंमा आवेदन दिनुपर्नेछ । आवेदन दिने अन्तिम मिति जेठ १ गते रहेको छ ।