Advertisement
Ads

२२ दशमलव ७५ अङ्कले बढ्यो नेप्से परिसूचक, पाँच कम्पनीको सेयर मूल्यमा सकारात्मक सर्किट



गत साता निरन्तर रुपमा घटेको सेयरबजार परिसूचक (नेप्से) मा आज हरियाली देखिएको छ । परिसूचक २२ दशमलव ७५ अङ्क अर्थात् एक दशमलव १३ प्रतिशतले बढेर दुई हजार २६ अङ्कमा पुगेको छ ।

आज विभिन्न कम्पनीका एक करोड १२ लाख १० हजार एक सय दुई कित्ता सेयर खरिदबिक्री हुँदा रु चार अर्ब २५ करोड ६६ लाख ७६ हजार तीन सय ३३ दशमलव ५६ रुपैयाको सेयर कारोबार भएको हो ।


Advertisement

दिनभरको कारोबारमा होटल र पर्यटन समूह र ट्रेडिङ समूहको सूचकमा सामान्य गिरावट देखिए पनि अन्य समूहको सूचकमा भने हरियाली छाएको छ । आज वित्त समूह पाँच दशमलव ९५ प्रतिशत, विकास बैंकको सूचक तीन दशमलव १६ प्रतिशतले उकालो लागेको छ । आजको कारोबारमा विभिन्न पाँच कम्पनीहरुको सेयर मूल्यमा सकारात्मक सर्किट लागेको छ । सर्किट लाग्नेमा नेपाल फाइनान्स लिमिटेड, पोखरा फाइनान्स लिमिटेड, जानकी फाइनान्स कम्पनी लिमिटेड, मानुषी लघुवित्त वित्तीय संस्था लिमिटेड र गुँरास लघुवित्त वित्तीय संस्था लिमिटेड रहेका छन् ।

यता तारागाउँ रिजेन्सी होटल लिमिटेडको सेयर मूल्यमा नकारात्मक सर्किट लागेको छ यस्तै कालिका लघुवित्त वित्तीय संस्थाको चार दशमलव ३५, ग्लोबल आईएमई ब्यालेन्सड फन्ड-१ को तीन दशमलव १० र सूर्यज्योति लाइफ इन्स्योरेन्स कम्पनीको सेयर मूल्य दुई दशमलव ७६ प्रतिशतले घटेको छ ।

 

यो पढेपछि तपाईलाई कस्तो लाग्यो ?


प्रतिकृया


सम्बन्धित खबर