नेप्सेको ओरालो यात्रा: किन देखिन थाल्यो बजारमा उच्च अङ्कको गिरावट?

हाल सेयर बजारमा विभिन्न घटनाक्रमहरूको प्रत्यक्ष प्रभाव देखिएको छ। राजनीतिक अस्थिरता, सरकार परिवर्तन, र पूर्व अर्थमन्त्री रवि लामिछानेको गिरफ्तारी जस्ता घटनाहरूले बजारमा अफवाहहरू फैलिरहेको छन्। यी अफवाहहरूको कारणले गर्दा विशेष गरी नयाँ लगानीकर्ताहरू प्रभावित भएका छन्,  लगानीकर्ताहरू यस्ता अफवाहहरूका पछि लाग्दै बजारमा प्यानिक सेल गर्न थालेका छन्। जसले नेप्सेमा दुई दिनभित्रैमा १०५ अङ्कको उलेख्निय गिरावट ल्याएको हो।

तर, प्राविधिक विश्लेषकहरूका अनुसार बजारमा आएको यो गिरावटलाई सामान्य रूपमा लिइएको छ। उनीहरूको भनाइ अनुसार बजार अहिले २६ सय अङ्कको बलियो सपोर्ट जोनको वरिपरि रहेको छ। यो सपोर्ट जोन बजारका लागि महत्वपूर्ण रहेको र  बजार पुन: उकालो लाग्न सक्ने विश्लेषकहरू अनुमान रहेको छ।