साफ वुमन्स च्याम्पियनसिपमा आज नेपाल र भारत खेल्दै, खेल कति बजे सुरु ?



Advertisement
Ads

काठमाडौंमा जारी साफ वुमन्स च्याम्पियन्सिप २०२४ का सेमिफाइनल खेलहरू आज हुनेछन्। पहिलो सेमिफाइनलमा साविक विजेता बंगलादेश र भुटानबीच दिउँसो साढे १ बजे खेल हुनेछ, भने दोस्रो सेमिफाइनलमा नेपालले ५ पटकको च्याम्पियन भारतसँग साढे ६ बजे प्रतिस्पर्धा गर्नेछ।


Advertisement

एन्फाका अनुसार नकआउट चरणको खेल अतिरिक्त समयमा पुग्न सक्ने भएकाले दोस्रो सेमिफाइनलको समय एक घण्टा पर सारिएको हो।


Advertisement

सेमिफाइनलमा भारत बाहेक बाँकी तीन टिम (नेपाल, भुटान, र बंगलादेश) अपराजित रहँदै आएका छन्। नेपाल र भुटानले समूह चरणमा समान ७ अंक जोडेका थिए, जसमा गोलअन्तरका आधारमा नेपाल समूह विजेता भएको हो। नेपालले पहिलो खेलमा भुटानसँग गोलरहित बराबरी खेलेपछि माल्दिभ्सलाई ११-० र श्रीलंकालाई ६-० ले पराजित गरेको थियो।


Advertisement

समूह ए को विजेता बंगलादेश सेमिफाइनलमा पुग्नका लागि एक जित र एक बराबरीबाट ४ अंक जोड्यो। भारतले पनि समूह चरणमा पाकिस्तानलाई ५-२ ले हराउँदै सेमिफाइनल यात्रा तय गरेको हो।

समूह चरणमा भारतलाई ३-१ ले पराजित गर्दै बंगलादेश समूह विजेता बनेको थियो। अब सेमिफाइनलमा कुन टिम अपराजित यात्रालाई कायम राख्नेछ, त्यो हेर्न बाँकी छ।

यो पढेपछि तपाईलाई कस्तो लाग्यो ?



Advertisement
Ads
Advertisement
Ads

प्रतिकृया


सम्बन्धित खबर