सरकारी सर्तहरू पूरा गर्दै टिकटक नेपालमा आधिकारिक रूपमा दर्ता

सामाजिक सञ्जाल प्लेटफर्म टिकटक अब नेपालमा आधिकारिक रूपमा दर्ता भएको छ। सञ्चार तथा सूचना प्रविधि मन्त्रालयका अनुसार टिकटकले आवश्यक कागजातहरू पेश गर्दै सरकारका सबै सर्तहरू पूरा गरेपछि दर्ता प्रक्रिया सम्पन्न भएको हो।

टिकटकले नेपालमा पर्यटन प्रवर्द्धन र डिजिटल साक्षरताका लागि सामग्रीहरूमा सहयोग गर्ने प्रतिबद्धता जनाएको छ। यससँगै, सरकारले सामाजिक सञ्जाल व्यवस्थित गर्ने निर्देशिकाअन्तर्गत दर्ता गरेपछि, टिकटकबाट राजस्व संकलन र नियमन पनि सहज हुने बताइएको छ।

सरकारले यसअघि दर्ता नगरिएमा सामाजिक सञ्जाल बन्द गर्ने निर्देशिका पारित गरेको थियो, जसअनुसार टिकटकले अब नेपालका नीति-नियमअनुसार सञ्चालन गर्न सहमति जनाएको छ।