समता घरेलु लघुवित्तको एफपीओमा १४ लाख लगानीकर्ताको हात खाली

समता घरेलु लघुवित्त वित्तीय संस्थाले जारी गरेको एफपीओमा धेरै लगानीकर्ताको हात खाली हुने भएको छ। सिडिएसका अनुसार एफपिओमा अन्तिम दिनसम्म १४ लाख ३४ हजार ३८९ जनाले २ करोड १३ लाख २९ हजार ८९० कित्ताका लागि आवेदन दिएका थिए ।

सोही आवेदन मार्फत २ अर्ब १३ करोड २९ लाख ८९ हजार रुपैयाँ संकलन भएको छ। जुन मागभन्दा ६०.७८ गुणा बढी आवेदन हो । यसरी बढी आवेदकहरुको कारण, १३ लाख ९९ हजार २९९ जनाको हात खाली हुनेछ। कम्पनीले ३ करोड ५० लाख ९० हजार ४२५ रुपैयाँ बराबरको प्रतिसेयर १०० रुपैयाँ अंकित मूल्यका दरले ३ लाख ५० हजार ९०४ एफपिओ सेयर बिक्री खुला गरेको थियो । जसमध्ये  ३५ हजार ९० जनाले मात्रै १०.१० कित्ताका दरले एफपिओ हात पार्नेछन् । सोहि मध्येका ४ जनाले थप १ कित्ता सेयर पाउनेछन् ।