सभापति शेरबहादुर देउवाले प्रधानमन्त्रीलाई भने, “ओलीजी आलोचनाबाट नडराउनुस्”

नेपाली कांग्रेसका सभापति शेरबहादुर देउवाले सरकारले अन्य पार्टीको आलोचनाबाट नडराउनुपर्ने बताएका छन्। आज भक्तपुरमा आयोजित शुभकामना आदानप्रदान कार्यक्रममा देउवाले प्रजातन्त्रमा आलोचना स्वाभाविक भएको भन्दै त्यसलाई सकारात्मक रुपमा लिन सुझाव दिए।

उनले भने, “प्रजातन्त्रमा आलोचना हुनु स्वाभाविक कुरा हो। अरु पार्टीहरूले आलोचना गरेकोमा खराब मान्नुपर्ने कारण छैन। यो सरकारले आलोचनाहरूलाई तथ्यपरक ढंगले ध्यान दिनेछ। म ओलीजीलाई यसमा प्रोत्साहित गर्न चाहन्छु।”

देउवाले अहिलेको संयुक्त सरकारप्रति देशभरका पार्टी कार्यकर्ता सन्तुष्ट रहेको र सबैले सरकारलाई पूर्ण समय सफल बनाउन चाहेको बताए। साथै, गठबन्धनमा समस्या आए कांग्रेसले समाधानका लागि तयार रहेको उल्लेख गरे।