बागमती प्रदेश सरकारले सार्वजनिक बिदा दिएतापनि आज सेयरबजार खुला रहने

बागमती प्रदेश सरकारले आज (वैशाख २४) गते प्रदेशभर सार्वजनिक बिदा दिएको छ । बागमती प्रदेश सरकारले वैशाख २० गते प्रदेश राजपत्रमा सूचना प्रकाशित गर्दै सार्वजनिक बिदा दिने निर्णय गरेको हो । बागमती प्रदेश सरकारले बिदा दिएतापनि नेप्से भने खुला रहने नेप्सेका प्रवक्ता मुराहरि पराजुलीले बताए । संघीय सरकारले घोषण गरेका बिदाहरुमा मात्रै नेप्से बन्द रहने भएकाले आज  सेयर कारोबार खुल्ला रहने जानकारी उनले दिएका छन् ।

बागमती प्रदेश सरकारको आन्तरिक मामिला तथा कानुन मन्त्रालयले बागमती प्रदेश सरकार, मन्त्रिपरिषद्को वैशाख १२ गतेको बैठकको निर्णय अनुसार बिदा दिने भएको हो । बैठकले नेपाली भाषाको अतिरिक्त तामाङ भाषा र नेपाल भाषालाई बागमती प्रदेशको सरकारी कामकाजको भाषाको रूपमा लागू हुने दिनको अवसरमा प्रदेशका सम्पूर्ण सरकारी कार्यालयमा सार्वजनिक बिदा दिने निर्णय गरेको हो।

#bajarkochirfar