प्राइम कमर्सियल बैंकले गर्यो लाभांश घोषणा

 प्राइम कमर्सियल बैंकले अघिल्लो आर्थिक वर्षको नाफाबाट ५ प्रतिशत नगद लाभांश दिने घोषणा गरेको छ।

बैंकको कार्तिक ११ गते (आइतबार) बसेको सञ्चालक समितिको बैठकले करसहित हाल कायम चुक्ता पुँजीको ५ प्रतिशत नगद लाभांश दिने निर्णय गरेको हो। उक्त प्रस्ताव  नेपाल राष्ट्र बैंकको स्वीकृति र आगामी वार्षिक साधारण सभाको अनुमोदनपछि सेयरधनीहरूलाई वितरण गरिनेछ।

बैंकले आर्थिक वर्ष २०७९/८० मा लाभांश दिएको थिएन भने आर्थिक वर्ष २०७८/७९ मा ४.९५ प्रतिशत बोनस सेयर र ४ प्रतिशत नगद लाभांश वितरण गरेको थियो।