नेपाल हाइड्रो डेभलपर्सको बोनस सेयर सूचीकृत, खातामा जम्मा भएपछि खरिदबिक्री गर्न सकिने

शुक्रबार नेपाल स्टक एक्सचेन्ज ‘नेप्सेमा’ नेपाल हाइड्रो डेभलपर्सको बोनस सेयर सूचीकृत भएको छ । कम्पनीको २ लाख ३५ हजार १४८.५५ कित्ता बोनस सेयर सूचीकृत भएको हो ।

स्टक एक्सचेन्जका अनुसार कम्पनीले गत वर्षको नाफाबाट ७% बोनस सेयर वितरण गरेको थियो। गत वर्ष  पुस १२ गते सम्पन्न १६औं साधारण सभा बाट पारित ७ प्रतिशत बोनस सेयर सूचीकृत गराएको हो । सो सभामा कर प्रयोजनको लागि ०.३७% नगद  लाभांश पनि पारित गराएको थियो ।

सूचीकृत बोनस सेयर सम्बन्धित सेयरधनीको खातामा जम्मा भएपछि लगानीकर्ताले दोस्रो बजारमा खरिदबिक्री गर्न सक्नेछन् ।

#BajarkoChirfar