दुई हाइड्रोपावर कम्पनीको हकप्रद सेयरमा मूल्य समायोजन, अब कतिमा खुल्छ कारोबार ?
Ads
नेपाल स्टक एक्सचेन्ज (नेप्से)मा मंगलबार दुई हाइड्रोपावर कम्पनीको हकप्रद सेयरमा मूल्य समायोजन भएको छ । नेप्सेमा लिवर्टी इनर्जी र बलेफी हाइड्रोपावरको हकप्रद सेयरमा मूल्य समायोजन भएको हो।
लिवर्टी इनर्जीको ५० प्रतिशत हकप्रद सेयरमा मूल्य समायोजन भएको छ । मंगलबारको अन्तिम कारोबार मूल्य २७६ रुपैयाँलाई आधार मानेर मूल्य समायोजन गरिएको हो । समायोजन पश्चात यसको मूल्य २१७.३३ रुपैयाँ कायम भएको छ ।
बलेफी हाइड्रोपावरको १०० प्रतिशत हकप्रद सेयरमा भाउ समायोजन गर्दा मूल्य ३०६.६० रुपैयाँ कायम भएको छ । मंगलबारको अन्तिम कारोबार मूल्य ५१३.२० रुपैयाँलाई आधार मानेर मूल्य समायोजन गरिएको हो । यिनीहरुको समायोजित मूल्यलाई आधार मानेर कारोबार खुला हुनेछ ।
