एनआईसी एशिया बैंकले ब्याजदर घटायो

एनआईसी एशिया बैंकले कात्तिक महिनाका लागि ब्याजदर घटाएको छ। बैंकले कात्तिक १ गतेदेखि लागू हुने गरी विभिन्न खातामा ब्याजदर कम गरेको हो।

बैंकले कात्तिकमा मुद्दती निक्षेपमा व्यक्तिगततर्फ ६.९९ प्रतिशत र संस्थागततर्फ ५.९९ प्रतिशत ब्याजदर प्रदान गर्नेछ। यसअघि असोजमा बैंकले मुद्दती निक्षेपमा व्यक्तिगततर्फ ७.१८ प्रतिशत र संस्थागततर्फ ६.१८ प्रतिशत ब्याज दिइरहेको थियो।

साथै, बैंकले साधारण बचत खातामा कात्तिकका लागि न्यूनतम ३.२७ प्रतिशतदेखि ५.२७ प्रतिशत ब्याजदर तोकेको छ।